Uwi u Security Guard wa kreh ha Ragigudda Metro Station ka sorbah Bengaluru da haap u ha ka luti ka Metro hadien wa lai tyrma u hapyrdi wa em ha i kreh (Duty).
Uni u Security Guard wa em 52 snem i rta da lai tyrma u hadooh wa poi ha kyndian ka Platform wei da haap wot u chapoh ka luti ka Metro wei manda khyrngiat u da wan yarap ya oo wow mih neini da uwi u bru wa em ha kani ka Platform.
Ini i jia da yoh u riñ da ka CCTV wei da jia i ha Platform Number 2 ka Ragigudda Metro Station.
Manda khyrngiat u da kbai wei da paan yarap u wei uwi tawon u Security Guard na ka Platform Number 1 da pynkrehkaam u ya ka the Emergency Trip Switch (ETS) wow pyndam ya ka bordiñ ha ka luti.
Neidaw wa pynkrehkaam ya ka Emergency Trip Switch, ka Metro da sangeh ko kamwa 6 minit.
Katkam ka khubor wa yoh da ong wa uni u Security Guard da kreh (Duty) u palat ya ka 16 kynta wei da chongngiah u du chibet chipor wow kreh biang heiwa da lai tyrma u hadooh wa jia ini.
Discussion about this post