Neibynta i myntoi ki paidbah krehlang ka Congress waka NPP ha KHADC: Vincent

U President ka MPCC, u Vincent H Pala da ong u wa kiwa boon kiwa yahkhmat ka Party da kwah ki u pyndam noh yei ya krehlang ha KHADC waka NPP wei kiwa boon da ong ki ileh wa ka Congress dang sah ko waka NPP ha KHADC.

Hawa yaklam wa kiwa thoh khubor, u Vincent Pala da ong u wa ka Congress ya krehlang ko waka NPP ha KHADC toh hadien wa ka UDP wa NPP da yathut ki wei lada ym ya krehlang daw wan ka synchaaar Administrator ha KHADC wei daw man ko i dooh nong ya ki paidbah.

Kawi won ka yurim wa ka Congress da ya krehlang ko waka NPP ha KHADC toh hajrong wow pynbha yei pynkylla ya ka 6th Schedule wei kam ka Party emkaam ko wow em ha ka liang synchaar yow yoh u e yumut wei ym phær lada pdiang ki næ ym pdiang ki.

Da ong u wa toh hajrong kani ka yurim wa ka Congress da rai ko wow ya krehlang ka Congress waka NPP ha KHADC.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Chooh chooh da ong u wa ka Party ym pyrkhat ware ko yei rem næ wow jop Election tangwa iwa kongsan toh wa lada ka Party ye ko wow yada ya ka jaitbru, wei kani toh kawa kongsan tam.

Kam wow kdaw heini wa i ya krehlang ka Congress wa NPP ha KHADC da chah beiñ i ha ki paidbah wa leh arsap neibhah wa ha ka sorkar jylla won ka Congress chong ko ha ka liang pyrchah. Wei kamwa man kattæ, ka Congress da em ko sa da u Ronnie V Lyngdoh kam u MLA ha ka yung dorbar chna aiñ hadien wa ki 3 ngut kiwi won da yut seiñ ki.