Jowai: Ka Violet Lyngdoh kawa man ka kyrtong yong ka NPP na 6 – Khliehriat Constituency hadien wa da thap pyrtuid ko kam ka kyrtong da ong ko wa ka thong wa nyngkong dooh ya ka manda jop ko toh wow chna ya ki aiñ krehkaam namo ki Policy deiwa e nongmuna leh wa i daw wa chah khang i tih mooyong toh neidaw wym em ka Policy neibynta ka tih mar pohkhyndaw, i puræ puthi, wa kiwi kiwi.
Da ong ko leh wa kwah ko u kreh neibynta wow pynembor ya ki kynthai namo ka Womens Empowerment neibhah kam ka kyrtong kynthai kwah ko wow yarap ya ki kynthai.
Hei yatoh wa i chah kyntait ticket ko ha ka BJP heiwa ka man ko leh kawa jooh ksoh ya ka kyrdan President ka BJP Mahila hapoh ka Constituency, da ong ko wa ka ymkwah ko wow kynthoh ya ka party neibhah wa i bor hi chong i ha kiwa em hajrong.
Da pynrap ko leh deiwa ong wa ka Party ym em burom ko ya ka tnat kawa da phah chna ko (BJP) neibhah kam ka MDC hapoh ka JHADC da psiah ko la kamwa ar snem cha ka BJP kamtæ hei yoo yong ka samen ka party hi ym em u burom ko ya kiwa kreh yong ka neibhah ym em u lai ko katkam i rukom krehkaam wa da thoh.
Discussion about this post