Shillong: Ka yung krehkaam wa heh dooh ha ka jylla, kawa man leh ka yung krehkaam u montri rangbah wa kamjooh leh waroh ki montri ka sorkar da kylla ko kam ka yaaw kawa ym biang ki thaw noh jhep.
Ynne ka sngi da sakhi yei khynñia ki bru kiwa lai yachem MLA kiwa man leh kam ki montri ha ka sorkar hadooh wa ki haap ki u chong ha madan wa dhari, wei kamjooh da sakhi leh yei wym biang ki thaw nohjhep heiwa kiwa boon da noh roi ki yei jhep hapoh kani ka yungkrehkaam.
Hawa yaklam wa u montri wa pait ya ka Secretariat Administrative Department (SAD), u Samlin Malngiang u da pdiang u wa joor wa taroi ka Secretariat toh neidaw wym biang ki thaw noh-jhep.
“Da toh wow sumaar khooid ya kani ka yungkrehkaam wa emkaam dooh hapoh ka jylla, nga kyntu O ya waroh kiwa mihkhmat, ki shahep sorkar wa kiwa kreh wa ya ki paidbah wow ya krehlang ki neibynta wow pynneh ya i burom yong ka Secretariat,” da ong u Malngiang wei da pynrap u leh deiwa ong wa mynstep daw khut u ya ka yalang wa jhan wa ki sahep ka SAD wow pynbait noh ya kani ka kaam wow wanrah biang ya i burom ka secretariat.”
U montri da pdiang u leh wa da boon ware ki paidbah kiwa lai yachem ya ki MLA yong ki ha Secretariat, wei da kyntu u wa lada ye wa ki MLA u yachem ki wa ki paidbah ha ki jar jair ki Constiteuncy yong ki lait noh heipor wa emkaam jhan neibhah ka Secretariat toh ka thaw krehkaam.
“Ki paidbah toh u sñiawthooh ki wa ki MLA wa ki jied ki haap kreh ki neibynta yong ki, wei emkaam leh u e laad ya ki wow kreh ki neibynta wow yoh nong ki paidbah,” da ong u Malngiang.
Discussion about this post