Neidaw wym em ka mynried mih u Bamon na ka NPP wow yaleh MLA na Mowkaiaw ha u 2018

Shillong: U ECB Bamon ynne ka sngi da pynbna u wa da dep mih noh u na ka National People’s Party (NPP) wei daw yakhun election MLA 2018 u na Mowkaiaw.

Hawa yaklam u wa kiwa pathai khubor ynne ka sngi da ong u wa i daw wa mih u naka party NPP toh neidaw wa ym em de ko ya kiwa yahkhmat wa biang wei da ong u leh wa em u hapoh ka NPP toh neidaw wa burom ya u tynde u Purno A Sangma neibhah oo man u uwa yahkhmat wa biang dooh nadooh wa em u ha ka Congress.

Da ong u wa hanlada oo man u kam uwi na kiwa chem ya ka party wei da ksoh u leh kam u Senior Working President tangwa da mih noh u naka party neibhah ym yoo u wa kiwa yahkhmat ka NPP wa biang kiwa ye u leh iyi iyi leh neibynta i bha yong ki paidbah.

“Ym em de yoo O ya ka mynried wa bha yong ka NPP kamwa da thmu heipor wa seiñ ya ka kamjooh leh ka mynstep wa mankawi wa biang ya ki paidbah lyngba kani ka party” da ong u Bamon.

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025

U Bamon uwa jooh man leh kam u MLA warim ka Nartiang Constituency da ong u leh wa kattæ ympu em chim u ya ka rai cha kawon ka party u psiah u wei daw pynbna u hapoh uni u bnai hadien wa dep chong pyrkhat u wa kiwa kyrchaan ya oo.