Shillong: Ynne ka sngi ym em u e rai ka Supreme Court hajrong i kaam tih mooyong hapoh jylla neibhah wa neiliang yong ki All Dimasa Students Union Dima Hasao Dist. Committee ym em phah muktiar (lawyer) wow wan neibynta yong ki.
Katwa kamtae ym ye ka Court wow e rai khlem em wa wan neiliang yong ka liang pyrchah ha kani ka mukotduma. Da pyntip wa ki Dima Hasao ym em de u wan ki muktiar ki nadooh kini ki sngi wa dadep.
Hadien wa tip ka Court yei wym em de phah muktiar ko kani ka seiñ da thung ko da u Amicus Curie namo u muktiar wow yarap ya ka Court neibynta ka Dima Hasao Union.
Neiliang ka Court da booh tarik ko ha ka 4 Kmaichonglad (December) 2018 kam ka sngi wa khaddooh yow rai neibynta kani ka kaam.
Neiliang u muktiar ka jylla da kdaw u leh wa em hadooh 1,76,000 MT u mooyong wa dang sah khlem yoh u kit wei da kyntu ya ka yungbichaar wow pynlait u kit noh oo tangwa kiwa bichaar ym chah ki u leh ya ini.
Ka yungbichaar da ong ko wa kwah ko u chong bichaar chwa yeiwa chah khang wow tih mooyong wei yei wow kit ya u mooyong won daw chong bichaar deilang wa kiwi ki kaam.
Kani toh katkam wa pyntiop uwi na kiwa yaleh mukotduma, u Lber Laloo.
Discussion about this post