Ka tamasa wa heh tam ha ka jylla ka Cherry Blossom Festival daw man biang ko ha ka sien wa 6 ha Madan Kurkalang, Ri Bhoi ha ka 20 wa 21 tarik uni u bnai.
U Minister ka chnat Tourism, u Paul Lyngdoh da ong u wa i jop ka Cherry Blossom ka Meghalaya da pynman i ya kiwi ki jylla kam ka Assam wow bood ya ka nongmuna deiwa wanrah ya kiwa tem wa rwai wa bna naam na baar ri.
Da ong u wa kani ka tamasa da e kamai ko ya ki bru ka thaaiñ Bhoirymbong ha ki ar sngi wow ryngkat le bnai i kamai.
Chooh chooh da ong u wa ha kani ka tamasa najrong kiwa rwai na baar ri, da e rynsaan leh ya kiwa na ka jylla.
Katwa u Jason Manner uwa yoh wow pynlai ya kani ka tamasa da ong u wa ha u snem wa dadep da wan 50,000 tam ki bru wei ha uni u snem da yooluti wow rap boon ki.
Da pyntip leh wa daw em ka pynkhle nasib wa Rs. 20 lak ya kiwa thied Ticket.





Discussion about this post