Nga da yieñ rangbah O neibynta ka Reservation Policy nadooh wa man samen, dawa u Adelbert 80% kyllum i bhah

U MLA ka VPP na North Shillong, u Adelbert Nongrum da ong u wa i pynbait thymme ya ka aiñ bhah kreh namo ka Reservation Policy toh kawa da yieñ rangbah u nadooh wa man u kam u MLA samen ka KHNAM, wei kattæ da yoh u wow booddien wa ka VPP.

Hadien wa da wan e yumut cha ka Expert Committee ynne ka sngi, u Adelbert da ong u wa ka Expert Committee ym ye ko wow krehkaam palat, lait neiwa chim yei e yumut hawa yatoh wa i bhah thung kreh hapoh ka jylla.

Da ong u wa da pynyoo u yei duna, i tkoh wa ki wym chong aiñ yong ka bhah kreh katkam ka Regulation 1972.

Da ong u leh wa napyrdi kiwa chong tre chnong Khasi, Jaiñtia wa Garo toh wow e kyllum lang bait 80%.

Related posts

Kyntait ka Agatha Sangma wow man ka kyrtong MP cha Rajya Sabha

May 29, 2025

Pynlait ka sorkar Rs. 20 klur cha ka JHADC, sa Rs. 19 klur ha ki tayaaw wow wan

May 21, 2025

Hawa yatoh wa ka Roster System, u Adelbert da khana u wa da pynsñiaw u hakhmat ki dkhot ka Expert Committee wa man ko ka wym yahaap neibhah da ya tyngkhooh ko wa ka Resolution yong u snem 1972. Da ong chooh chooh wa katkam i pynsñiaw yong ka High Court, da kdaw wa ha ka jylla ym em pynkrehkaam ya ka Roster System nadooh u snem 1972.

U Adelbert da pynsñiaw u yei pyrchah hakhmat ka Expert Committee wow pynkrehkaam ya ka Roster System deiwa kheiñ nadooh u snem 1972, tangwa da ong u wa toh u pynkrehkaam ya ka Roster deiwa kheiñ neini chakhmat.