Shillong: U kyrtong ka Congress wa jop biang kam u MP na Shillong ynne ka sngi, u Vincent H Pala da ong u wa i jop yong oo ha kani ka sien kawa le kam u MP toh neidaw wa ki paidbah da e biang ki i chaniah ha oo.
Da kyntait u leh wa yakhun u wa u kyrtong monlang ka MDA, wei ha chwa wow thap vote, dadep ong u wa ka yakhun man bait ko hapyrdi ka Congress wa ka UDP ym wa u kyrtong monlang.
Da ong u leh wa ini i leh ye i wow pynyatylli ya kiwa kitkaam ki Party tangwa ymye i wow pynyatylli ya ki paidbah kiwa thap Vote wei toh na ini i daw wa da jop biang u ha kani ka kynti.
Hajrong i wym ye ka Congress wow poi hei bor ha Delhi, da ong u wa ki paidbah jooh kwah ki wow elaad ya u Narendra Modi ar sien kamwa da leh ya u Manmohan Singh uwa da man montri rangbahdooh ka ri ar sien.
Ha iwi tawon i liang hajrong i chah pynrem u Dr. Mukul Sangma na Tura ha ka Agatha K Sangma, da ong u wa toh da slem ware i por wei ka Agatha em ko hei bor hanla kattæ leh da leh bha u ha kani ka kynti.
Discussion about this post