December 11, 2022
U National Spokesperson ka All India Trinamool Congress Party, u Saket S Gokhale da ujor u ha u SP ka East Khasi Hills ynnin ka sngi hapoh ka kyndon Section 499 ka IPC pyrchah ya u Symbood Montri Rangbah ka jylla, wa da pynsih u yei naam i pytruid yong oo hawa klam wa kiwa thoh khubor.
U Gokhale ha ka ujor da ong u wa oo em u i pyrkhat pyrdaiñ wa biang wei ym toh u “Psycho” kamwa khut u Prestone oo hawa yaklam wa kiwa thoh khubor haka 6 tarik uni u bnai hapoh ka jylla.
U Gokhale da ong u wa kam u bru wa em i naam wa miat wa tyrchiah, ini i ong u Prestone da man ko pyrchah aiñ katkam ka kyndon Section 499 ka IPC kawa klam chaphang ki bru wa pynbaad deiwa ktah yei pyrtuid wa i naam ki bru.
Kamtæ da kyntu u ya u SP wow leh yeiwa emkaam katkam ka kyndon aiñ pyrchah ya u Prestone.
Kam wow pynkynmoo wa ynnin ka sngi ka sorkar Meghalaya da lai ko chakhmat wow e da ka mukotduma pyrchah ya u Gokhale uwa da pynbaad pynemkaam bakla ya ka poisa da ka The Meghalayan Age ka Company sorkar wa pynkrehkaam ya ki Scheme wa yatoh wa ki kaam uiñke suwari.
Puræ leh: Kopsar da chah ktah i khlieh u Gokhale u wym kut de ki pynbaad khlem sabut yaka sorkar: Prestone
