Jowai: Ka National People’s Party (NPP) ynne ka sngi da kynmoo warom ko ya ka sngi kha uwa seiñ ya ka NPP u (T) Purno A Sangma ha ka yalang wa pynman ha yung ka P. Toi kawa man leh kam ka Political Adviser to State President.
Ya kani ka yalang da pynman kam ka All Faith Prayer Meeting heiwa da wan ki dkhot ki niam waphær waphær kam naka CNI, Balang Presbyterian wa na Niamtre kiwa da booh ya jar jiar i ngooh blai.
Ka P. Toi da ong wa kani ka yalang ym toh neibhah ki kaam seiñ hima sima tangwa yow kynmoo ya ki kaam wa khroo wa u Purno Sangma da leh u ha ki sngi wa em u ha ka sla pyrthai.
Da khana ko wa heipor wa dap u 11 snem da dooh u ya u pa yong oo wei da dam u ya ka puræ puthi wei da haap u chare masi, tangwa da em uwi u Father wa pynchong skur biang ya oo.
Ha ka lai luti yong oo da dep man u kam u Montri Rangbah ka jylla, da man u leh kam u MP wa u Speaker ka Lok Sabha heiwa boon wa yaroh yei stat u pyllai ya ka yung chna aiñ ka ri heiwa ym jooh mih ka awri awra.
Ka Toi da kyntu ko leh ya ki paidbah u man ki kiwa yatylli para jaitbru heipor election hanlada em ki jar jiar ki party wei wymhoi u elaad wa ka niam u tympiah tympra ko ya ka jait bru.
U O. Lamin uwa man leh u District President ka NPP da ong uwa hanlada ka NPP dang jop ko du 2 Seat hapoh ka Meghalaya heiwa da em u kyrtong wa yoh du 300 vote tangwa ong u wa kynmoo bait u yeiwa ong u Purno wa kani ka 300 daw kylla ko cha ka 3 lak wei ka ri-loom Jaiñtia ha kawi ka sngi daw e ko yei kyrchaan wa pura. Da kynmoo leh yeiwa wa ong u Purno wa yei daw wa ym jooh rem election u toh neidaw wa nyngkong pyrkhat u ya ki paidbah yow pynpoi cha ki ya ka roi ka paar.
Ha kani ka sngi da pyllait paidbah ya i rwai Election ka NPP wa thoh da ka P. Toi hei ktien pharæng wei daw kylla ki cha kiwi ki kyntien katkam wa emkaaam.
Ki kyntien rwai man ki kamni ha wah:
Vote for Change
The National People’s Party
Strengthened by love and fidelity
To fight corruption without fear
Meghalaya’s hope now on the party
Chorus: NPP’s symbol is the book
On voting day please do look
Vote for change vote for NPP
Please press button on the book
The party leader Conrad Sangma
He appeals with all humility
Vote for NPP your rights you’ll get
Join the party you will never regret
P.A. Sangma is the founder,
Of the party that shows the way
His legacy now lives on
With Conrad Sangma leading all the way
Bridge: Lets Celebrate P.A. Sangma’s legacy
Vote for NPP candidates in all constituency
Discussion about this post