Uwa yahkhmat ka National People’s Party (NPP) uwa man leh kam u Montri sorkar, u Comingone Ymbon da ong u wa ka Voice of the People Party (VPP) daw yoh ko nod ha ka Election MDC wa daw pynman ha Khasi Hills Autonomous District Council wa ha Jaiñtia Hills Autonomous District Council.
Yei daw wa daw yoh ki nod da ong u toh wa ki paidbah ka Ri-loom Khasi wa Ri-loom Jaiñtia ym em pdiang ki yaka VPP.
U Comingone da sñiaw skem u leh wa ka NPP daw wan biang ko hei bor ha KHADC wa JHADC hadien ka Election ha u snem wow wan.
Chooh chooh da ong u wa ka NPP ym du wa yaleh pyrchah ko yaka VPP tangwa ya ka UDP, Congress waka BJP heipor yaleh Election wei da yoo leh wa ki paidbah ka jylla da pynyoo ki yei chaniah ya ka NPP kawa da yahkhmat ya ka sorkar MDA wei ha kani ka Election MDC leh daw wan hi ka NPP hei bor.
Discussion about this post