Ong ka sorkar pyrdi ya ka SC wa ym epor de wow kylliang ya ki poisa warim

Hadien wa phah jubab ka Supreme Court ya ka sorkar pyrdi hei yatoh wow e laad ya ki bru wym yoh laad u kylliang ya ka poisa wa rim hadien wa kut 30.12.16, ka sorkar pyrdi da jubab ko deiwa ong wa lada e laad ya ki bru u leh ki yeini da rem i thmu wow pyndam noh ya ki poisa T. 500 wa T. 1000 warim.

Ka sorkar ong ko wa ka pyndam ko ya ka poisa warim toh yow pynwiar jait ya ka poisa baamtooh kawa tip leh kam ka Black Money wei lada wai laad biang sa chisien kiwa boon daw ye ki u pynkhreh boon ki daw wym ye ki u kylliang ya ka poisa wei wow chem tre yi wa thok wa ki yi wa klam hok man ko kawa chitom bha.

ADVERTISEMENT

Da ong leh wa ki 51 sngi wa e por ka sor toh iwa biang i por wow leh ki paidbah yeiwa emkaam lada nujor ha u snem 1978 heiwa da leh ya i jooh wei da e por du 6 sngi donhi.

Chooh chooh ka sorkar da ong ko wa kiwa e mukotduma leh ym ye ki u e i daw wa biang wa neiyi i daw wym ye ki u kylliang ya ka poisa yong ki wei hadien ka 30 tarik da e laad won ya ki paidbah u kylliang cha ki tnat ka RBI hadooh ka 31.03.17 lada ye ki u e ya i daw wa biang.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Also Read: Dang ye ki bru u thap ya ka poisa wada pyndam ka sorkar lada biang i daw ki: Supreme Court