Ong u Phasmon wa u Coming wa u Sniaw toh ki khloor ka ri-loom Jaiñtia hawa pynhaap pyrda yaka Gold Cup

Jowai: U MDC ka 22-Musniang-Rngad Constituency u Phasmon Dkhar hawa wan pynhaap pyrda u yaka 17^th Invitation Gold Cup Football Tournament 2019 wa pynman da ka Moosyiem Cultural & Sports Club kam u kongsan da yaroh u yaka Club wa da ye ko wow pynman ya kani ka lympung la 17 sien iwa da pynyoo leh wa man ki kiwa ya tylli bha. Deiwa ong leh wa ki kaam Sport toh kiwa maya da ki bru wa em ha waroh ka rta wei katni da ye leh ka jylla wow pynmih ya kiwa boon ki khloor yalehke haka Football kiwa da man kiwa yalehke ki Club wa boon ka ri India wei kam kini ki Tournament daw yarap ko wow pynmih chooh chooh ya kiwa boon ki khloor yalehke.

Kamtæ da pynchlur u leh ya ki khynroo khyllood wow chimbynta ha ki Sports yow lait na ki kaam wa sih neidaw waka Sports katni man ko leh kaam ka laad kamai ja kpoh yow pyndap ya kiwa ha yung ha sem yong ki.

Da yaroh u leh ya ki montri ka sorkar jylla u Comingone Ymbon wa ya u Sniawbhalang Dhar kiwa man ki khloor ka ri-loom Jaiñtia kiwa da jop kam ki MLA kattu la le sien ban ban kiwa da wanrah leh yaka roi ka paar ha ki jar jiar ki Constituency yong ki.

Da e nongmuna u deiwa ong wa da yoosuk wa da miat ki luti ki syngkieñ wei da phooh da phieñ hi leh ki chnong ki thaw wa haap hapoh ka Constituency ka yong ki.

Related posts

District Cricket League: Jop ka Young Lad’s ya ka Phramer

May 13, 2025

Deilang ki yakob rwai wei chaad ha ka yakhun Final ka 1st War Jaiñtia Invitational Football Tournament

May 11, 2025

“Ki paidbah leh emkaam ki u e bor e mynsien ya kam kini kiwa mihkhmat wa pyrkhat yaka roi ka paar ka Constituency yong ki, wei man ki leh du ki donhi leh kiwa ye u pynyoo bor khnang wa kiwi tawan ki MLA ym yoobeiñ ki yaka ri-loom Jaiñtia wa maya yong i”, da ong u Phasmon.

Da ong u leh wa u Coming toh u bru wa bha uwa yeiwa lieh da ong u iwa leh wei yeiwa yong toh iwa yong, wei u Sniawbha won toh uwa kreh chitom wei uwa ap manda wan ood ki paidbah yeiwa chem chitom ki.

Hawa kyruiñ cha ka yakhun Final, da pynman hapyrdi ka Raliang SPSC (West Jaintia) waka Dima United FC (Asaam), ha kani ka yakhun Final da jop ka Raliang da 3-0 wei da rah ko leh yaka song poisa wa T. 2 lak wa chiteiñ tola i ksiar, katwa ka Dima United da yoh ko T. 1 lak wa chiteiñ tola i ksiar.

Ha kani ka sngi u symbood kongsan toh u Evening Star Teron u MDC ka Nongjngi wei da emlang leh u J. Treilang Suchiang, MDC ka Shangpung wa kiwi kiwi.

Kani ka yakhun Final toh kawa pynman haka 31-10-19.