Jowai: U slap wa joor, ka lær waka um wa khlanbor ha kini ki sngi daman sakhiat i tynjooh wa khroo heiwa kat cha wa uiñ wa lai da sakhi yei pat i oor ki chariñ loom wa ki dieñ ki siej iwa da ktah ya kiwa boon walang ki bru ha kylleiñ ki chnong ki thaw yong ka District wa ka jylla.
Hapoh ka chnong Jowai leh yeini da yoh u sakhi ha kani ka sngi Pynsin 26 tarik i step hei por 4:30 heiwa kawi na ki kyntoit ka dong Chilliangraij dapat da oor i khyndaw yong i bynta u Loomkhlieh Chnong kat hadooh wa daman i tynjooh ya ki bru wa chong wasah hajan kani ka thaw deiwa chah tlep ka luti lai ka luti wan hei khyndaw wa rben deilang wa ki dieñ, ki moo wa ki siej ki chken wei ini i jia daman i leh i tynjooh wei chah ktah kawi ka manyung yong ka L. Pde neidaw wa i khyndaw wa ki dein ki siej wapat wa oor da tlep ki ya ki bynta ka pchem yung yong ka.
Neitæ chooh chooh da em leh i pat i oor i khyndaw ha ki chariñ loom ha u sarok wow lai na Mynthong cha sarok lai War ha ki kattu katni ki bynta lynter u sarok wei ini daman i i wit i thut yei lai i wan ki kari.
Ha Khimusniang Lad Pohksheh leh da em i oor khyndaw ha iwi i yung iwa da pynpat yaki siej wei i khydaw da poi i ha pchem ini i yung.
Discussion about this post