Oor i yung mar ya dep yarap ka Indian Army da ka Helicopter ya kiwa sahkut nei chlai um

Ka Indian Army Aviation ynne i step da pynman ko ya ka Helicopter Rescue Operation yow pynlait ya ki paidbah kamjooh ya ki chipai CRPF wa sahkut ha iwi i yung nei chlai um ha Madhopur Headworks, Punjab.

Yow yakhun yei ku ka um, da lai ka Helicopter ki chipai wut-wut wow pynlait ya kiwa sahkut wei da pynhiar ya ki ha i thaw wa chngaaiñ.

Related posts

Sepai ki 16 tylli ki Satellite wa mut ka Space Agency ka India wow lai booh cha haw-haw

January 12, 2026

Yap uwi hadien wa haap ka Truck na yingkieñ ha u NH-6

January 12, 2026

Hanla joor wa ka la’ær, ki Pilot ka Indian Army da wan ki da ka Helicopter ha tnoom i yung wow kit wow pynlait ya kiwa sahkut.

Ha i Video wa yoh ki bru u riñ, da yoo ya ka Helicopter wa pynlait ko ya kiwa sahkut wei mar ya dep u leh yeini da da yoo wa ini i yung oor i wei ini da jia i hadien wa da ye u pynlait im ya waroh ki bru wa em heini.