Ka Woodland WK Hospital Jowai da lehkmen ko ya ka World Blood Donors Day ha ka 14 tarik deiwa chimbynta ki Nurse kani ka Hospital hei yahluti ka Assistant Nursing Superintendent, ka Ibadahun Dhar heiwa da pynman da ka drama wa tbian yow pynsñiawthooh ya kiwa wan chah sumaar kamjooh kiwa ha-yung ha-sem yong ki yei emkaam kamjooh i myntoi wa yoh nei e snaam sñiawbha.
Kani ka Hospital da chah pynkup-burom ko leh ha katai ka sngi ha ka yalang wa da pynman ha Blood Bank, Jowai heiwa u Additional DC ka Jowai, u Ferdinand B. Basan da e kti u ya ka muhor sahkynmoo yei man kani ka thaw sumaar kam kawi na kiwa khlan u pynman yei e snaam sñiawbha neipor cheipor.
Da pyntip leh wa ka Woodland WK Hospital kam chibynta i thong u Dr. Werlok Kharshiing wow e yei chakri heiyatoh wa i chait i khiah, da paan bor ko yow kam ka thaw wa ye u booh snaam namo ka Blood Storage Center hapoh ka District.
Discussion about this post