Ynne ka sngi hawa klam ha ka ‘Mann Ki Baat 2.0’, u montri rangbahdooh ka ri, u Narendra Modi da paan map u neidaw wa haap chim ya ka rai wa khor heiyatoh wa i yakhun ya ka khlam u COVID-19.
Da ong u wa man i iwa emkaam bha wow yada ya ki paidbah ka ri (India) heiwa da sñiawkmen hajrong ini i yakhun heiwa ka India daw jop ko ya u COVID-19.
“Ka Lockdown daw yada ko ya ki bru kamjooh kiwa hayung hasem yong ki wei ki wym bood ya ki kyndon wow khang kset (Isolation) daw chah pynchitom ki,” da maham u Modi.
Da ong u wa i yakhun pyrchah ya u Coronavirus ha ka ri kawa em 130 klur ngut ki bru ym em laad de deiwi tawon wei kam kini ki luti haap chim toh wa kani ka kaam ktah ko yei mynsien bru deiwa e nongmuna yeiwa jia ha kylleiñ ka pyrthai.
Da kyntu u ya ki paidbah wow yatylli wow pyndoohjait ya uni u khñiang uwa ye wow pyndoohjait ya ki bru ha pyrthai.
Chooh chooh da ong u wa ka Lockdown ym mut ko wow yarap ya kiwi tangwa wow yada ya i de deiwa yada ya waroh ha yung ha kini ki sngi wow wan.
Da ong u wa em ki bru wa tyngkheiñ ya ka Lockdown neibhah wym sñiawthooh ki yeini hadooh katwon khia i deiwa kyntu ya waroh wow bood ki ya kini ki kyndon ka Lockdown.
Discussion about this post