Jowai : U President ka Khasi Jaiñtia National Union (KJNU), u Niman N Shadap, ha ka khubor wa da pyllait u ynne ka sngi da ong u wa ym em mut u yow pyndooh pyndam ya ki dak thoh (Alphabet) Pnar, kwah ka seiñ yow pynsangeh chwa u chna ya ka Committee neibhah katni dang kynrum kynram ware. Ka seiñ leh kyrchaan ko yow pynneh pynsah ya i ktien i thylliej ka riti ka dustur nadooh u Khyriam, Pnar, Bhoi, War, Langam, Maram wa u Diko.
Tangwa ha kini ki por u President ka seiñ da kyrpad u ya waroh kiwa em hapoh ka Bri u Ynniaw Trep yow pyrkhat chwa yow pynpsiah ya ki dak thoh Khasi ha ka Eight Schedule, kawa da slem wa paan yow man ko leh ka ktien wa pynemkaam lang katni ha waroh i liang.
U President leh paan maap u na kiwa boon walang yong ka thaiñ Pnar hei yatoh wa i bakla yong oo wei da kyrpad u leh ya waroh wow maap ki ya oo yei bakla yong oo, wei neini chakhmat ki khon ka Ynñiaw Wasa nadooh u Khyriem, Pnar, Bhoi, War, Langam, Maram wa Diko u krehlang ki ha kiwon kiwon ki kaam yow pynneh pynsah ya ka ktien ka thylliej, ka dustur ka riti khamtam wow yada ya ka jaitbru khian paaid.
Da ong u leh wa i emkaam i ya ka ktien Pnar neibhah neibhah i leh da em i ki dak pnar wa boon wa da pyrchang u pynmih kamtæ da kyrpad u ya ka JHADC wow khut lang ko leh wa ki bru wa chemphang wa ki proh jabieñ kiwa ye u yarap wow pynwan dur chwa ya ka ktien Pnar neibhah ha ki thaiñ wa em ki Pnar boon i jait rukom klam (local accent) ya ka ktien Pnar.
Emkaam u pynbiang ki dak wow pynhun ya waroh ki rukom klam Pnar yow lait i mih sñiawthooh yumut bakla para jait bru.
Sa chisien u president ka KJNU khut lang u ya waroh wow e kyrchaan wa pura ya ki dak thoh Khasi hadien won u yawan rah lang ya ki dak thoh Pnar wa kiwi wow pynpsiah hapoh ka Eight Schedule.
Read Also: Dawa ka KJNU na ka JHADC wow pyndam noh ya ka Committee dak Pnar
Discussion about this post