Paan pynche ka KHNAM-YW na u Principal ka Shillong College wa phah sap Uniform noh ya ki khynnah waroh

Shillong: Ka Khun Hynniewtrep National Awakening Movement- Youth Wing (KHNAM-YC) da paan pynche ko na u Principal ka Shillong College hajrong i thmu wow phah sap Uniform ya ki khynroo khyllood wa puræ ha kani ka College kiwa puræ ha ki kyrdan Graduation.

Hadien wa yachem wa u Dr. KD Ramsiej uwa man u Principal ka Shillong College, neiliang u President ka KHNAM-YC, u Thomas Passah da ong u wa kiwon kiwon ki rai wa da chim toh wow yoh myntoi wa i dooh myntoi wei da pynrap u deiwa ong leh wa ini i thmu ki bor pynlai ka College ye ko wow wanrah ya i myntoi neibhah katkam wa ong u Principal, i thmu hajrong ini toh wow wanrah ya i man salonsar ha i rukom riam wa i sñiaw chngaaiñ khamtam ya ki kynthai.

Ha iwi tawon i liang neiliang ka KHNAM-YC da e yumut ko ya ka College wow pyrkhat biang ya ini i thmu yong ki bor pynlai ya ya kani ka thaw puræ wei wow booh noh da ki kyndon rukom riam (Dress Code) ya waroh ki khynroo khyllood heithaw wow pynemkaam da ki Uniform neibhah ye ko u ktah ya kiwa boon ki khynroo khyllood khamtam kitu kiwa da kreh ha i por wa kut ki por puræ namo wa tip leh kam ki Part Time Job.

U Thomas da pynsñiaw u wa i pyrchah yeini toh wa ka College da ya krehkaam ko waka HU Textiles kawa em ha Khyndailad wow thied ya ki Uniform ha i dor T. 3000 chi sut, wei da ong u leh wa lada kani ka thaw puræ kwah ko wow pynemkaam da ki Uniform toh wow e laad ko ya ki khynroo khyllod wow thied na kiwi ki thaw kiwa yatoh katkam i bor wa ye ki u thied.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ini i paan pynche ka KHNAM-YC toh hadien wa ood ki kattu kati ki khynroo khyllood wa puræ ha kani ka College, neibhah wa kani ka thaw puræ da pynkrehkaam ko ya ini nadooh ka 1 Naiynñiaw uni u snem.