Ka Khasi Jaiñtia Youth & Student Union (KJYSU), da paan pynche ko na ka sorkar hajrong i e No Objection Certificate (NOC) wa da pynmih da ka yung krehkaam ka Public Health Engineering (PHE) Electrical, Jowai Division, Jowai ha ka 27-11-25 cha uwi uwa kreh Muster Roll uwa da palat rta uwa kreh ha kani ka chnat sorkar yow ye u yaleh kreh (Apply) ya kiwon kiwon ki Advertisement wa da pynmih da kiwon kiwon ki Organization/Selection Committee næ Commission.
Neiliang u President ka seiñ, u C. Phawa da kylli u wa hapoh kawon ka aiñ næ ka kyndon wa kani Office ye ko wow pynmih kam kani ka NOC cha uni u bru wow yaleh kreh u deiwa pynrap wa lada kani ka kyndon toh kawa krehkaam ya kiwi de ki Muster Roll ha jylla Meghalaya wei lada ymtoh kamtæ ileh wa kani ka Office ye ko wow e kam kani ka NOC wa kyrpang du ya uni uwi u bru.
Ka seiñ da kyntu ko ya ka sorkar wow e pynche cha ki paidbah yong ka jylla Meghalaya waroh kawi khnang wa waroh ki Muster Roll hapoh ka jylla u tip ki chaphang kani ka kyndon.
Discussion about this post