U CEM ka KHADC uwa man leh kam u Working President ka United Democratic Party (UDP) u Titosstarwell Chyne da ong u wa ka Party ha ka yalang ka Core Committee wa kyrpang wa da man ynnin ka sngi da paan pynche ko na u Montri ki kaam Pohyung uwa pait leh ya ka chnat Puræ Puthi, u Lahkmen Rymbui hajrong i chah pakhot bomb pynjhia khmat kiwa sikai ha ki sngi wa dadep.
Da ong u wa da yoo u ha ki khubor wa em i dawa wow pynhiar chuki noh ya u Lahkmen kam u Montri na ki kattu katni kiwa yahkhmat ka UDP, wei neiliang ka Party da klam che ko ha u Montri uwa man leh u Vice President ka UDP.
U Titos da ong u leh wa neiliang u Lahkmen da pyntip u cha ka Party wa da paan u ya ka bui na ki bor District hajrong iwa da jia wei ka Party leh u yang ko ya kani ka bui.
Heijooh i por da ong u wa ka Party da chimkhia ko yeiwa jia ya kiwa sikai, wei neiliang ka Party leh da beiñ ko ya ki pulit kiwa da pynemkaam palat i bor pyrchah ya kiwa sikai.
