U MDC warim ka Nangbah, u Shemhok Garod wa u MDC ka Shangpung wa katni, u J. Treilang Suchiang; pyn-ar da paan ki ya ka Ticket wow yakhun MLA na 3-Raliang Constituency kam u kyrtong ka UDP.
Kamtæ ka District Election Committee ka UDP West Jaiñtia Hills da chong yalang ko ynnin ka 23 tarik hajrong ini i paan Ticket kini ki arngut wei katkam ki kyndon ka Party da rai wow thung da ki Observer wow chim ya ini i rai.
I kaam kini ki Observer toh wow lai hiar cha ka Raliang Constituency yow ap, yow sñiaw yei sur ki paidbah yow sñiawthooh uwon na kini ki arngut wa em laad wow jop.
Da e por ya ki Observer hadooh ka 30 tarik uni u bnai wow pyndep yeini wei wow wanrah leh ya ka bui (Report) katkam wa chem ki.
