Delhi: Ka JHADC hapoh i yahkhmat yong u CEM yong ka, u Thombor Shiwat ryngkat wa i emlang ki MDC wa kynthup ya u Lasky Rymbai, Dy. CEM, u Wining Garland Sungoh, u Lakhon Dkhar, u O. Lamin ynne i janmiet da yachem ki wa u Arjun Munda uwa man u Montri ka sorkar pyrdi wa pait ya ka Tribal Affairs ha yung krehkaam yong oo ha nongbah New Delhi.
Ha ini i yachem da pynsñiaw ya ki bynta wa emkaam ka Council wa kiwi kiwi.
Da ekti leh ha u montri ya ka dorkhat neibynta wow chna ya ka Jaiñtia Tribal Museum.
Heijooh i por ki MDC da pynsñiaw ki leh yei emkaam wow pynneh pynsah ya ki thaw yongrim namo ki Heritage Site, wow pynman ya ki Tribal Cultural Programmes wei wow pynku ya ka Eco Tourism wei kini waroh da mang wow pynlut kamwa T. 103 Klur.
Neiliang u Montri da kylli u na ki MDC lada jooh em i yarap wa da yoh ki nachwa na ka Ministry tangwa neiliang ki MDC da pyntip ki wa hadooh katni ympu jooh em yoh yarap ki, wei hadien ini neiliang u montri da kular u wow e yarap katwa ye cha ka Council khamtam heiyatoh iwa emkaam ka Council.
Discussion about this post