U montri rangbah ka jylla, u Conrad K. Sangma ynne ka sngi da yachem u wa ki kattu katni ki montri ka sorkar pyrdi kamjooh leh ya u Speaker ka Lok Sabha, u Om Birla.
U Conrad chirup wa u lamphang ka jylla, u Metbah Lyngdoh wa u symbood montri rangbah ka jylla, u Prestone Tynsong da khana ki ya i kreh ya ka yung Assembly ka jylla, ha Mawdiangdiang, Shillong heiwa da paan yarap ki na ka sorkar pyrdi wow ye u pyndep ya i kreh chwa u 2022.
Ha i yachem wa u montri ka chnat Housing and Urban Affairs, uwa pait leh ya ka Ministry of Civil Aviation, u Hardeep Sing Puri, u Conrad da kyrpaad yarap u neibynta i chna yung ya kiwa dooh ha ki sor ka jylla namo ka Urban Housing for the Poor wei da paan yarap leh neibynta ka New Shillong Township heiwa daw chna ya ki sarok wa kiwi kiwi.
Da kyrpaad u leh ya ka Ministry wow yarap neibynta ka Williamnagar Water Supply Scheme wei hei emlang won ki sahep na ka Airport Authority of India, da kyrpaad wow yarap pynheh ya ka Umroi Airport wei wow pynkreh noh ya ka Baljek Airport.
Neiliang u Hardeep Sing Puri da kular ki wow chimkhia ya kini ki kaam.
Ha kani ka sngi da emlang leh u montri ka chnat Transport u Sniawbhalang Dhar wa u montri ka chnat bordiñ u James Sangma.
