U Prime Minister ka ri u Narendra Modi da yoh Phone u ynnin ka sngi na u Justin Trudeau, Prime Minister ka Canada.
Neiliang u Prime Minister Trudeau da khana u ya u Prime Minister Modi chaphang i emkaam ka Canada ya i dawai yada COVID-19 na India heiwa u Modi da ong u wa ka India u yaleh ko katwa ye yow yarap yaka Canada wow yoh dawai kamwa da leh ya kiwi ki ri.
Hawa pynsñiaw yei sñiawngooh, u Prime Minister Trudeau ong u wa manda ye ka pyrthai u jop ya u COVID-19, daw man ko neidaw wa yarap ka India lyngba i bor yong ka wow pynmih dawai wa i yahkhmat u Modi uwa e yarap lang yaka pyrthai. Neiliang u Prime Minister da e khublei u yeini wa ong u PM Trudeau.
Ki arngut leh da yaklam ki ya kiwi ki kaam wei da mynjur ki wow ya krehlang neini chakhmat hajrong ka Climate Change wa ka khayi pateiñ kamjooh i ktah ka khlam.
Da yooluti ki leh wow yachem ha uni u snem yow yaklam yaki kaam wa waroh arliang u yoh myntoi ki.
