Shillong: U MLA ka BJP na South Shillong, u Sanbor Shullai da paan kyrchaan u na ka sorkar pyrdi khamtam neibynta wow pynman ya ka National Games 2022 neibynta ka burom yong ka jylla.
Ha ka 21 tarik uni u bnai, u Sanbor u da pynsñiaw u yei emkaam ka jylla hakhmat u Union Minister wa pait ya ka Sports and Youth Affairs, u Kiren Rijiju ha New Delhi.
U MLA da pynsñiaw u ha u Union Minister ya i emkaam wow pynbha chooh ya ka Shillong Cantonment Ground yow man ko kawi na ki thaw wa paka wow pynman ya ka lympung National Games wei kamjooh wa katai ka madan daw e myntoi ko leh ya kiwa chong chnong ka thaaiñ.
U Sanbor da kyntu u leh ya u Montri wow yarap poisa neibynta wow pynman ya ki lympung wow pynbniah ya ki khynroo khyllood ha ki sap waphær waphær ki wow pynlai da ki kynhun krehmon sñiawbha wa ki Sports Club, ya iwa da pynsñiaw wa ka South Shillong Constituency toh kawa nyngkong wow sdang ya kam kini ki pynbniah ya ki khynroo khyllood da i yarap ka Party.
Ha i jooh i por da kyntu leh ya u Rijiju wow yarap ya ki khynroo khyllood ka jylla lyngba ki laad yoh kaam.
Discussion about this post