Ka sorkar pyrdi lyngba ka Health Ministry da pyntip ko wa da pait bniah bha ko yei poor syndet u khñiang H9N2 Virus ha China uwa da wanrah yei chitom riñ mynsien ha ki khynnah ha ki thaaiñ North China. Heijooh i por da ong wa ka India ym em ko hei maa na uni u khñiang wa poor na ki sim, ki syiar cha ki bru wa tip kam ka Avian Influenza wa tip leh kam ka Bird Flu.
Ka sorkar da ong ko wa ka WHO leh da chimkhia ko yeini wei da booddien ko waka China yow paan pynche wei wow e ko leh ya ki Report wa bniah.
Ka Health Ministry da ong ko wa katkam wa tip kattæ, ini i kjut wa dei chimtom riñ mynsien toh iwa da sdang ha kini ki tayaaw wa da lai wei man ko ka jait kjut wa jooh yoh hi ki khynnah wei ym em ki dak wa pynyoo wa em u khñiang wa rap phær næ iwon iwon iwa ym pu jooh em yoo.
Da pyntip leh wa da dep pynman yaka yalang hapoh i pynlai u Directorate General of Health Services yow yaklam kammon wow pynkhreh yow yada na kani ka Avian Influenza hapoh ka ri deiwa pyrkhat ya ki bru wa yoh ya uni u khñiang H9N2 (Avian Influenza Virus) ha China katkam wa da pyntip leh da ka WHO. Da ong leh wa ym em joor i maa katkam wa kheiñ da ka WHO wow poor uni u khñiang na u uwi u bru cha uwi wei ympu em leh wa yap na uni u H9N2 katkam wa chem ka WHO. Wei iwa emkaam toh wow pait bniah ya ki bru, ki chnat Animal Husbandry wa ki chnat Wild Life wow ya krehlang ki.
Da ong leh wa ka India da pynkhreh ko wow leh iwon iwon lada toh iwa emkaam neibynta i chait i khiah. Deiwa ong leh wa da pynkhlan yei e sumaar nadooh wa wan ka khlam COVID-19. Da sdang leh yaka PM-Ayushman Bharat Health Infrastructure Mission (PM-ABHIM) yow yarap chna pynmiat ya ki thaw sumaar wei da dep sdang leh yaka Integrated Disease Surveillance Programme (IDSP) kawa da pliah bha wow leh yei kaam iwa da yoo heipor ka khlam COVID-19.
Puræ leh: Paan pynche ka WHO naka China hadien wa yoh kjut ki khynnah khlem tip yei daw
Discussion about this post