Palat 1000 ngut ki Nurse wa wan yow chah jied kreh cha baar ri

U Montri Rangbah ka jylla, u Conrad K Sangma da pynbna u wow yarap katwa ye ya ki Nurse wow yoh ki u lai kreh cha baar ri wei yeini da ong u hawa wai ya ka Overseas Nursing Job Fair wa da pynman ynne chirup waka Navis HR Pvt Ltd, Nursedge, ka The Trained Nurses Association India, ka Ajith Enterprise, ka Meghalaya State Skill Development Society waka Department of Health and Family Welfare ka sorkar Meghalaya heiwa da em palat 1000 ngut ki Nurse kiwa da wan wow thap pyrtuid wa em i kwah wow lai kreh cha baar ri.

U Conrad Sangma da ban joor u hajrong u pynyoh yei sap ha ki bru, wei wow puræ ha ki liang wa boon rukom khnang wow e yarap ya kiwi tawon leh wow yoh ki kam kani ka laad deiwa pynrap wa ka sorkar da pynkhreh ko wow pynyoh kreh ya ki khynroo khyllood cha baar ri. 

Chooh chooh da ong u wa ka jylla daw thooh ko kiwi ki bynta kam i put i tem, i tei i chna, i chait i khiah wow pyntikna wa yoh kreh ki ha ka luti wa biang. 

U Conrad da khana u leh ya i jop ka sorkar wow e kreh ya ki 500 ngut ki Doctor lyngba Medical Recruitment Board du hapoh ar bnai.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Deiwa kyruiñ cha i chait i khiah, da khana u ya ka rai wow chna ya ka Board wow thied ya ki dawai dachin wei yow pynlai ya ki dawai hei rukom wa pliah wa ryntih.

Heijooh i por da ong u wa emkaam wow phiah ya ki Doctor wa kiwa kreh (Administration) ha ka chnat i chait i khiah yow lai bait i rukom krehkaam.

Da pyntip u wa hapoh Meghalaya da em hadooh 11,000 ngut kiwa da man kam ki dkhot ka Meghalaya Nursing Council, wei ka jylla raikut ko wow e sikai ya ki khynroo khyllood ha kiwa boon ki bynta khamtam wa katni joor bha i dawa ya ki Nurse cha baar ri.

Ha kani ka Nurse Job Fair da em ki Company kiwa na Japan, Singapore, Germany, ki ri ka Middle East, na Australia wa kiwi kiwi kiwa da wan wow pynyoo ya ki kreh wa da tyrwa cha ki Nurse wei ka sorkar u kyrchaan ko ya kiwa chah jied hadooh T. 50,000 samen khnang wow chah hikai pynpliah ki wei ka poisa wa tam daw ah na ka tulop manda yoh kreh ki. 

Da khana u leh wa ka tulop kiwa kreh cha baar ri kynjoh ko cha ka T. 1.3 lak hadooh T. 2 lak chi bnai iwa chong ha i kyran puræ wa da pyndep ki wei ye ki u phah cha yung hadooh T. 80,000 hadooh T. 1 lak chi bnai.  

Kamtæ da yooluti u wa ini daw pynman ko wow em kiwa chong chnong ka Meghalaya kiwa da pliah hei kaam i jaam kiwa sah cha baar ri iwa sariem kam ki nong Kerala, Andhra Pradesh, Tamil Nadu wa Gujarat.

Ha kani ka sngi da emlang ka Montri ka chnat i chait i khiah ka Dr. M Ampareen Lyngdoh kawa da ong wa emkaam wow chdooh kti ya kitu kiwa da pyndep yei puræ puthi ki wym pu em yoh kreh deiwa pynchlur leh ya kiwa thooh kreh ym du ki Nurse wa hawa kwah wow lai cha baar ri wow pyn ka-it ki ya idæ wow tip ya ka ktien ka thylliej yong kiwi ki ri.

Da kdaw ko leh wa ha kani ka sngi da em 150 ngut ki Nurse wa wan na Garo Hills tangwa dang emkaam wow pynman ya kani ka Overseas Nursing Job Fair sa ha Tura.