theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Palat 130 ngut yoh yarap dawai kiwa chong chnong ka Moodymmai

Advertisement ad1

Ka Society for Urban & Rural Empowerment (SURE) kam chibynta i pynkrehkaam ya ka Link Worker Scheme, da pynman ko da ka Health Camp ha ka 26 tarik uni u bnai ha chnong Moodymmai kawa haap hapoh ka Thadlaskein Block.

Ha kani ka Health Camp da em palat 130 ngut kiwa chong chnong kiwa da wan chim dawai na kani ka Health Camp. Ha kani ka sngi da em leh u Dr. E. Lytan uwa man u Doctor uwa da pynpliah yei sumaar ya ki khynnnah wei na ini i daw da em leh boon ki khynnah kiwa wan wow yoh ya ka Medical Checkup ha kani ka sngi.

Ka Darimika Lywait kawa man ka Zonal Supervisor yong kani ka Project da pynche ko chaphang kani ka Link Worker Scheme kawa kreh neibynta ki bru kiwa ye u yoh kjut HIV/AIDS.

Neiliang u Dr. E. Lytan uwa kreh leh ha Jowai Civil Hospital, Ialong da kyntu u ya kiwa chong chnong wow chim ya ki sumaar wa da e lyngba ka Sub Center kawa em ha ka chnong yong ki. Da kyntu u leh ya ki manbei wow wan phah pait ya idæ man-i-por heipor wa punkhon ki wei kamjooh leh wow e tika tikna ya ki khon yong ki. Da pynchlur u leh wow wan kha khon ha ki Sub-Centre.

Ka Niwanka Shylla kawa kreh kam ka Zonal Supervisor da batai ko chaphang ka SURE kawa man ka seiñ kreh monsñiawbha yong ka Balang Unitarian. Kani ka seiñ da pynkreh ko ya ka Link Worker Scheme kawa da kyrchaan poisa da ka Meghalaya Aids Control  Society Shillong.

Ha kani ka sngi da emlang u Dr. B. Nongkhlaw uwa man u Medical and Health Officer yong ka Jowai Civil Hospital wow yarap ha kani ka Health Camp. Waroh kiwa wan cha kani ka sylli yei chait i khiah da yoh ki leh yei dawai kiwa da pynbiang da ka yung krehkaam u District Medical and Health Officer, West Jaiñtia Hills wei kamjooh leh naka yung krehkaam ka SURE. 

Share this:
Previous

Yap 3 ngut ki wakreh ka NEEPCO hadien wa chlai um ha Umrangso

Next

Kem ki pulit ya soo ngut ki khynroo wa lute ya u Principal skur