theme-sticky-logo-alt
theme-logo-alt

Yap 3 ngut ki wakreh ka NEEPCO hadien wa chlai um ha Umrangso

Le ngut ki wakreh ka North Eastern Electric Power Corporation Limited (NEEPCO) da yap ki hei step ka 26 tarik hadien wa wan ka um heh lyngba u Penstock Pipe uwa lai cha ka Turbine ka Kopli Hyrdopower Plant kawa em ha Dima Hasao District ka Assam.

Ini i thaw wa jia toh ha Khandang ka chnong Umrangso heiwa ka um da tympat ko leh ya ki dieñ kiwa da ban leh ya kiwa yap.

Kiwa khlaad da tip kam u Dimari Johori uwa kreh Contract, u Anupam Saikia uwa kreh kam u Deputy Manager wa u Jayanta Saikia uwa man kam u Manager.

Ini da jia i heipor wa dang pynchna yeiwa sih heiwa ya ka Intake Gate da dep khang wei da pynsangeh leh yei krehkaam ki kor ha ini i por tangwa neidaw wa joor slap ha Meghalaya da wan ka um wa heh kawa da psiah cha ki bynta wa chna hanla da dep khang ya ka Gate.

Chooh chooh da pyntip wa da pynsaneh yei krehkaam ki kor la soo bnai yow pynchna.

Share this:
Previous

Pynskem u Dolloi ya ka chnong thymme ka Elaka Jowai ka wow tip kam ka Myntdu

Next

Palat 130 ngut yoh yarap dawai kiwa chong chnong ka Moodymmai