U Montri ka chnat Tourism, u Paul Lyngdoh da ong u wa katkam ka Survey wa leh da ka Sky Scanner, ka sor Shillong daw man ko kam ka thaw wa ka’it dooh kiwa uiñke suwari ha u snem 2025.
Da ong u wa uni toh u moomær wa khroo bha ya ka jylla, wei da pynkynmoo u leh yei yoh ka Meghalaya Rs. 199 klur yow chna pynthymme ya ka Umiam wa ka Mawkhanu.
Da khana u leh wa ha uni u snem, ka Meghalaya da pdiang ko ya palat 15 lak ngut kiwa uiñke suwari wei da antaad wa ini daw ku i da 60% ha ki por wa wan.
Yow pynsuk ya ini waroh, ka sorkar da booh thong ko wow sdang da ki Small Helicopter Services yow lai kam cha Sohra, Dawki, Guwahati, Umroi, Umiam wa New Shillong najrong wa chna ya ka Rain Museum ha Mawsynram.
Heiyatoh wa ki tamasa, da khana u wa ka Concert u Bryan Adam toh kawa da pynkhreh da ki bru samen katwa ya ka Cherry Blossom Festival won toh kawa da pynlut da ka sorkar.
Discussion about this post