Palat 200 tylli ki Mobile Tower wym em su bai bordiñ ha Meghalaya

Ka sorkar jylla kam chibynta wow pynduna yei dooh nong nei wym su ya ka bai bordiñ, neiliang ka Meghalaya Energy Corporation Limited (MeECL) da phah Notice ko cha kiwa boon ki Company wa pynbiang ya ka Mobile Network wow su noh ki ya ka bai bordiñ.

Neiliang u Montri ka chnat bordiñ, u AT Mondal da ong u wa ka MeECL da phah ko ya kini ki Company wow su noh smat khlem pynslem de ya waroh ka bai bordiñ wa da pynemkaam da ki Mobile Tower yong ki.

U Montri da ong u leh wa da dep wow yaklam wa kini ki bru wa lada ym su ki, daw ah syndon ya ka bordiñ ki khamtam kitu kiwa wym em su da slem bha.

Katkam wa man, da em kamwa 200 tylli ki Mobile Tower ki wym em su ya ka bai bordiñ wei kiwa paan bor wow booh thymme ya ki Mobile Tower leh dang boon ki wei waroh kini dang pyrkhat ka sorkar.

Related posts

U wanrah noh ka sorkar da ki kyndon wa thymme yow jied kiwon wa ye u pynemkaam Siren

November 22, 2024

Da khut Tender wow chna noh ya ka Iawmusiang Market Complex

November 21, 2024

Heijooh i por da ong u wa ka sorkar hap ko wow pyrkhat wym toh u thut ka Mobile Network hapoh ka jylla.

Da ong u leh iwa eh ya ka sorkar toh lada ah bordiñ yong waroh kini ki Tower ki wym em su bai bordiñ daw ktah ko ya Network, kamtæ dang pyrkhat ka sorkar kammon wow leh yow yoh ko yaka bai bordiñ wei kiwon kiwa hoi u ah noh ya ka bordiñ lada ym em laad de da iwi.