U Montri ka sorkar pyrdi uwa pait ya ka chnat Labour & Employment, u Bhupender Yadav da pyntip u wa ha kylleiñ ka ri, palat 3 klur ngut kiwa da thap pyrtuid hapoh ka Website ka e-Shram, yow tipmit ya ki kam kiwa kreh mylla yow em pyrtuid ki hapoh ka National Database of Unorganized Workers (NDUW) kawa pynlang yei pyrtuid kiwa kreh mylla hadooh ki wym pu em pynlum pynlang hapoh kiwon kiwon ki seiñ.
Ha ka yachem wa 177th ka Governing Body Meeting wa ka 78th Annual General Body ka Dattopant Thengadi National Board for Workers Education and Development, kawa man ka chnat krehkaam wa laitlooid wa em hapoh ka Ministry, da pynman ha Hyderabad. Heiwa ya kani ka yalang da chongknor da u Vrijesh Updadhyay, Chairman ka Board deilang wa u Chief Labour Commissioner (Central), sorkar India, u D.P.S. Negi heiwa da chim ya kiwa boon ki rai wa emkaam.
Hawa khana yei emkaam ka Website e-Shram kawa tipmit ya kiwa kreh mylla, u Negi da ong u, “Nachwa ym em ki laad wow e yarap cha kiwa khih mylla neidaw wym tipmit ya ki khamtam heipor wa em ka khlam COVID-19, neidaw wym tip leh katwon ngut em ki. Kattu won da em ka e-Shram Card, daw ye wow pynemkaam ka yow yoh myntoi ha waroh kawi ka ri, kawa daw man kam ka One Nation One Card namo kawi ka Card wow pynemkaam ha waroh kawi ka ri.”
Da phah u leh ya ka Board wow kynthup lang yei khana kammon wow Register hapoh ka e-Shram Website wei wow pynsñiawthooh paidbah leh yei myntoi wa ye ki u yoh.
Ha iwi tawon i liang iwa da yarap ya 1019 ngut ki wakreh kam ki Contract Worker, da soi ya ka soskular hapyrdi kiwa pynlai ya ka Celebi, (DIAL) wa ki wakreh Contract kiwa em hapoh ka chatri Airport Employees Union ha New Delhi. Lyngba kani ka soskular daw yoh ki mar T. 58,400 samen wei ka poisa wa da pynlait cha kini ki wakreh ha uni u snem da man ko T. 6,08,41,600.
