Palat 4 lak tylli ki manyung wa yoh um-kor hapoh ka JJM, duna dooh ha East Jaiñtia

Hapoh Jal Jeevan Mission (JJM), kawa man ka Scheme ka sorkar pyrdi wa da sdang ha u Naisaphra 2019, da kynjoh palat 400,000 tylli ki manyung wa yoh um-kor hapoh jylla Meghalaya. Ini da ku i na 4550 tylli ki manyung wa yoh um-kor lyngba ki Functional Household Tap Connections (FHTC) ha ka 15 tarik u Naisaphra 2019 cha ka 4,00,812 hadooh ynne ha ki thaw wa em cha palatsor ka jylla wei deiwa khieñ yonglang waroh dapoi 61.52% ki manyung kiwa da yoh um-kor. 

U Montri Rangbah ka jylla, u Conrad K Sangma, da pynbna u yeini wei da yaroh u leh ya kiwa kreh ya ka Jal Jeevan Mission ha Meghalaya heiwa da booh thong wow kynjoh ya waroh ki chnong.

U Commissioner & Secretary ka Public Health Engineering Department uwa man leh u Mission Director ka Jal Jeevan Mission ha jylla, u Syed Md. A. Razi da sñiawkmen u deiwa ong wa ini toh i jop wa khroo bha hapoh jylla wei u pteiñ ki wow kreh wow pynsuk ya ka mynried ka jylla khamtam ka um cha waroh ki chnong wa em cha kdong dooh.

I pynpoi umkor ha ki District man i kamni ha wah katkam ka Percentage:

Related posts

Kwah u George wow psiah biang cha ka Congress yow yakhun MDC

December 23, 2024

Pynbna ka NPP sa 6 ngut ki kyrtong MDC cha ka JHADC

December 23, 2024

Ha East Garo Hills da kynjoh 80.09% iwa mut na 39,952 tylli ki manyung wa da mang da yoh um-kor 31,998 tylli.

Ha South West Garo Hills kiwa yoh um-kor da em ki 79.02% iwa mut na ki 47,891 tylli ki manyung, kiwa yoh um-kor toh 37,842 tylli

Ha Ri Bhoi da man ko 72.83%, heiwa na ki 63,025 tylli ki manyung, kiwa yoh um-kor da em ki 45,899 tylli.

Ha North Garo Hills toh 69.35% iwa mut da em 28,574 tylli ki manyung wa yoh um-kor na ki 41,205 tylli ki manyung.

Ha Eastern West Khasi Hills won kiwa yoh um-kor toh 67.56% itæ toh 20,330 tylli ki manyung na ki 30,092 tylli.

Ha South Garo Hills dapoi 65.56% iwa mut wa kiwa yoh um-kor da em ki 24,879 tylli na 37,948 tylli ki manyung.

Ha South West Khasi Hills kiwa yoh um-kor da em 65.15% ki manyung iwa mut 14,212 tylli kiwa da yoh na ki 21,816 tylli.

Ha West Garo Hills da em 59.82% iwa mut 66,368 tylli ki manyung wa da yoh um-kor na ki 1,10,954 tylli.

Ha West Khasi Hills won 57.52% ki manyung wa da yoh um-kor kiwa em 20,056 tylli na ki 34,868 tylli.

Ha West Jaiñtia Hills kiwa yoh um-kor dapoi ki 50.29% iwa mut 29,203 tylli na ki 58,072 tylli ki manyung.

Ha East Khasi Hills da em 50.01% kiwa da yoh um-kor iwa mut da em 69,944 tylli ki manyung wa da yoh na ki 1,39,849 tylli.

Ha East Jaiñtia Hills toh iwa duna dooh ka wym poi 50% deiwa yoh du 44.50% heiwa na ki 25,857 tylli ki manyung da em 11,507 tylli kiwa da yoh um-kor.

Kam wow pynkynmoo wa ha u Naichiphaw 2022, ka Meghalaya da yoh ko yei naam Second Prize heiyatoh wa i pynkreh ya ka Jal Jeevan Mission.

Ka Jal Jeevan Mission, toh ka thong krehkaam wow pynpoi um-kor cha waroh ki manyung wa em cha palatsor hapoh u 2024. Kini ki manyung ha Meghalaya da em ki 6,51,529 tylli wei kiwa da yoh um-kor toh 4,00,812 tylli iwa da man 61.52%.

Ha Meghalaya deiwa em ki Village Water and Sanitation Committees (VWSCs) ha ki chnong da ye wow pyntikna wa waroh ki manyung ha ki chnong u yoh um-kor ki kawa khooid.