Palat 40 ngut ki khynnah skur pynkup burom ka DHEW kam chibynta ka Children’s Day

Ka yung krehkaam ka District Hub for Empowerment of Women (DHEW), yong ka chnat Social Welfare chirup i yakrehlang wa ka yung krehkaam ka District School Education Officer, West Jaiñtia Hills da pynman ki yei lehkmen Children’s Day ha Auditorium Hall ka Kiang Nangbah Government College , Jowai hajrong ka phang “For Every Child, Every Right”.

Wei kam chibynta kani ka sngi da pynkup burom leh kamwa 40 ngut tam ki khynnah skur kiwa dapoi chakhmat ha i puræ puthi kamjooh hei yalehke Sports waphær waphær.

Ha kani ka sngi lehkmen ka Vevotolu Kezo, Sub-Divisional Officer (Sadar) Jowai da man ko kam ka kongsan, hei emlang ka Dr. Wa-i-Sa Sumer, District School Education Officer, Jowai, u H. Toi, Principal Kiang Nangbah Government College, Jowai, ka Y. Najiar, District Social Welfare Officer, kiwa sikai ki khynnah skur waphær waphær wa kiwi.

Ka kongsan hawa klam da e khublei sngi kyrpang ko ya waroh ki khynnah skur, najrong wa yaroh ko leh yei naam i burom wa da rah ki la heiyatoh i puræ puthi næ i lehke Sports.

Ong ko i pynman kam ini i leh burom man leh ka laad wow e mynsien chooh chooh ya ki khynnah, wei da pynkynmoo haroh ko ya ki khynnah wa ini i jop yong ki ini wadep leh ym pu toh iwa kut kamtæ kyntu ko wow pteiñ chooh chooh sam chakhmat wei u em leh ya ka thong wa heh.

Hawa pynkynmoo ko yei kyntien yoo jngai u Jawaharlal Nehru iwa ong u, “Ki khynnah wa katni toh ki wow pynwandur ya ka mynried”, da ban joor ko hajrong i emkaam wow saiñdur bha ya ki khynnah ha waroh ki liang wa kynthup leh i puræ puthi wei rukom im wa miat wa bha.

Related posts

U e kti ka Botswana 8 tylli ki Cheetah ya ka India

November 14, 2025

Lai paan pynche ka KSU yei pynkreh ya u sarok Borghat-Sonapur hadien wa pynbna ka DoNER yei pynlait poisa

November 14, 2025

Da pynrap haroh ko hajrong i emkaam wow pynlut rap boon heiyatoh wow pynku ya ki khynnah wa katni khang yow ye ki u kreh neibynta ka mynried ka ri.

Heiyatoh wa i bynta yong ki manbei manpa wa kiwa sikai leh, yaroh hi ko ya ki neibhah wa ki leh em ki ka bynta u pynwandur ya ki khon ya ki khynnah yow heh san ki hei doh i pran wa i bor stat chemphang.

Da kyntu haroh ko ya ki khynnah skur wow man kiwa chimkhia u wanrah i chait i khiah hei doh i pran, i bor pyrkhat, hei mynsien, wei wow leh iwa bha tam ha iwon iwon iwa mut wa mang ki.