Palat 80% mih kiwa thap Vote Election Dolloi ha ki ar Elaka

I thap Vote jied Dolloi wa pynlai daka Jaiñtia Hills Autonomous District Council (JHADC), haki artylli ki Elaka wa kynthup ka Elaka Shangpung waka Elaka Nartiang da man ki kawa lai bait lai ryntih ynne ka sngi.

Hapoh ka Elaka Shangpung ki kyrtong wa yakhun em ki 3 ngut wa kynthup ya u Chanki Langbang, u Daeiladmi Sungoh wa u Harisingh Papang. Haka Elaka Nartiang won em ki 4 ngut wa kynthup ya u Helpmi Dhar, u Jomeo Dkhar, u Leibanki Dkhar wa u Salong Lamare.

Ya kani ka Election da pynman hadien wada khlaad noh ki Dolloi wada chah jied ha kitai ki Elaka, wei kat wym pu ye u pynman yaka Election jied Dolloi wa pura kamtæ yaki kaam ka Elaka da pait chipor da ki Acting Dolloi.

Related posts

Daw pynman ya ka General Meeting ka Seiñkur Suchiang

January 31, 2026

Pynyoo ki khynnah yei sap wow pynlai ya ka Lympung wa kyrpang yong ki ha Tuber Shohshrieh

January 18, 2026

Haka Elaka Nartiang i wan kiwa thap Vote ynne ka sngi toh 82.62%, heiwa naka 7196 ngut, kiwa poi da em ki 5946 ngut.

Neitæ haka Elaka Shangpung won i wan kiwa thap Vote toh 81.42%, heiwa na ki 10,607 ngut kiwa poi thap Vote da em ki 8637 ngut.