U montri ka chnat puræ puthi ka jylla u Lahkmen Rymbui da pyntip u wa da pynthymme wei da pynku noh ya ka Scholarship kawa haap hapoh ka Post Matric Scholarship Scheme neibynta kiwa lai puræ ha Meghalaya wei u krehkaam noh i deiwa pdiang yei tyrwa wow pynthymme yaka bai Scholarship iwa da wanrah daka Fee Fixation Committee nadooh u Naisphra u 2019.
U Lakmen da ong u wa kani ka Scholarship wa thymme daw yarap bha ya kitu kiwa lai puræ kiwa emkaam yei yarap poisa wei kani toh neibynta u snem 2019-2020.
Ya kani ka Scholarship da yabhah ha ki soo tylli ki kyrdan:
- Group-I (Ph.D, M Phil, MBBS, B. Tech, M. Tech, MBA wa kiwi kiwi)
- Group-II (Ya waroh kiwa lai puræ Post Graduate wa kynthup yaka LLM wa kiwi kiwi)
- Group-III (Ya kiwa boon kiwa puræ Under Graduate)
- Group-IV (Diploma Course, Class XI, Class XII wa kiwi kiwi)
Da pyntip leh wa na ki 7181 ngut kiwa da yaleh Scholarship, da dep wow su chwa ya 6286 ngut wei ya kiwa dang sah dang leh u pyndep smat.
Waroh iwa da dep su da poi ko T. 12.9 klur.
Haka Group-I, 361 ngut u yoh yaka Scholarship kawa T. 40,500 cha ki Day Scholar wa T. 47.000 cha ki Hostellers. Ka Scholarship warim toh T. 10,735 cha ki Day Scholar wa T. 17,235 cha ki Hostellers.
Haka Group-II, 931 ngut u yoh yaka Scholarship kawa T. 30,000 cha ki Day Scholar wa T. 33,200 cha ki Hosteller Ka Scholarship warim toh T. 9,935 cha ki Day Scholar wa T. 12,835 cha ki Hosteller.
Haka Group-III, 3374 ngut u yoh yaka Scholarship kawa T. 23,000 cha ki Day Scholar wa T. 25,700 cha ki Hosteller. Ka Scholarship warim toh T. 5,235 cha ki Day Scholar wa T. 7,935 cha ki Hostellers.
Haka Group-IV, 1515 ngut u yoh yaka Scholarship kawa T. 17,300 cha ki Day Scholar wa T. 18,800 cha ki Hosteller. Ka Scholarship warim toh T. 5,205 cha ki Day Scholar wa T. 6,705 cha ki Hosteller.
