Ka Meghalaya Tourism deilang wa ki Meghalaya Police da yachem ki ynnin ka sngi yow yaklam yei pynkhreh wow pynman yaka Cherry Blossom Festival kawa daw sdang nadooh ka 17 tarik uni u bnai.
Ka jylla da antaad ko wow em palat 1 lak ngut kiwa daw wan yooh kjat ha kini ki le sngi ha madan Lumdaitkhla, Bhoirymbong, Ri-Bhoi District.
Neiliang u DC ka Ri-Bhoi, u Arpit Upadhyaya deilang wa u SP ka Ri-Bhoi, u Giri Prasad da pyntip ki wa da man ki kiwa da pynkhreh lut wei daw pynbna ki leh ya i rukom pynlai pynwan kari yow tip chwa ki paidbah.
U DC da kular u leh wa daw man ko kawa lai bait lai ryntih wei da dep leh wow jied ya ki thaw pynyieñ kari wei da booh leh hadooh ka Medical Camp.
Chooh chooh da ong u wa daw booh chiboon ki bru nadooh ki pulit wa ki Volunteer kiwa da dep sikai yow pyntikna wym thut i lai i wan ki kari ha u sarokbah.
Heiyatoh won i em kiwa da maham wow pyrchah, neiliang u SP da ong u wym em kiwa pyrchah yei pynman ha ka Sunday neibhah ki waheh chnong da dep ki wow yaklam waka chnat Tourism heiwa da pynche leh wa da pynkylla yei por yow lait u pynthut yei man yaseiñ.
Discussion about this post