Palat T. 1 Lak chah sai na ka Credit Card uwi u bru ha kiwa kam wa kreh SBI

Jowai: Katkam wa pyntip ki pulit da ong wa ha ka 9 tarik u bnai wa dadep uwi u bru wa tip kam u Sanjay Bhattacharjee da ujor u wa da yoh u ya ka Credit Card wa dang thymme na ka SBI.

Ha ka sngi wa bood ka 10 tarik da em wa phone oo na ki ar ngut ki bru kiwa ym tipmit u kiwa kam toh kiwa kreh ka SBI kiwa da phone cha oo wow pyntikna wa da yoh u ya ka Credit Card wei da kylli ki chaphang ka Credit Card yong oo, ka Bank Account yong oo ya kiwa da khana lut u.

Du hadien ini da yoh SMS u wa da em wa sai T. 1,01,930.48p naka Account yong oo deiwa pynemkaam ya kani ka Credit Card.