Palat T. 254 klur da yoh nei dai noh ya ki nar jæd tin jæd wa kynthup ya ki tiar Electronics du ha ki le tayaw kam chibynta ka Special Swachhta Campaign 2.0, wei deiwa leh yeini da ye wow pynlait 37.19 lak square feet i thaw wa da jooh booh ya kini ki nar jæd tin jæd.
Ya ini da pyntip da u Union Minister of State (Independent Charge) Science & Technology; Minister of State (Independent Charge) Earth Sciences; MoS PMO, Personnel, Public Grievances, Pensions, Atomic Energy and Space, u Dr. Jitendra Singh ynnin ka sngi hawa yaklam wa kiwa thoh khubor ha yung u hawa khana leh yei krehkaam ka Special Swachhta Campaign 2.0 kawa da sdang ha ka 2 tarik uni u bnai wei daw kut ha ka 31 tarik uni u bnai.
U Dr. Singh da pyntip u wa da dep wow pait u pynbait ya 40 lak tylli ki File, da bichaar ya 3,05,268 tylli ki ujor paidbah (Public Grievances Redressed), da jubab ya 5416 tylli ki yukylli ki MP wei da pynjem ya 588 tylli ki kyndon aiñ ha ini i por.
Hapoh kani ka Special Campaign 2.0, ka Department of Posts da pynman ko yei pynkhooid ha ki 17,767 tylli ki Post Offices, ka Ministry of Railways da pynkhooid ko ya 7,028 tylli ki Railway Station, ka Department of Pharmaceuticals ha 5,974 tylli ki thaw wa da jied, ka Department of Defence da lai pynkhooid ko ha ki 4,578 tylli ki thaw katwa ka Ministry of Home Affairs ha ki 4,896 tylli ki thaw. Wei waroh ki thaw wa da pynman ya ka Swachhata Campaign da em ki 68,363 tylli.
Yei krehkaam ya kani ka Special Campaign 2.0 da booddien ha ka Website www.pgportal.gov.in/scdpm22 man-ka-sngi wei da khana da pynyoo leh yei kaam wa da leh ha ki Social Media.
