U Montri wa pait ya ka chnat i chait i khiah, u James PK Sangma ynne ka sngi hapoh ka yung dorbar da khana u wa ka poisa wa da pynlut heiyatoh waka khlam COVID-19 ha ki ar snem dapoi ko T. 655 klur tam.
Ha u snem 2020-21 napoh ka DHS (MI) da pynlut T. 82,75,55,461 klur katwa napoh ka NHM da pynlut T. 156,96,00,000.
Ha u snem 2021-22 da pynlut T. 113,48,58,047 napoh ka DHS(IM) katwa lyngba ka NHM da pynlut T. 302,08,00,000.
Ha waroh ar snem dapoi T. 6,55,28,13,508.
Heiyatoh waka poisa (Bill) ka wym pu em su, u James da pyntip u wa ka Directorate of Health Services (MI) ym em de kawa dang sah katwa da em T. 85,50,00,000 ka poisa kawa dang sah ka wym pu em su hapoh ka National Health Mission (NHM).
Heiyatoh won waka poisa wa da yoh na ka sorkar India yow yarap yaleh pyrchah ya ka khlam, u Montri da pyntip u wa ka DHS(MI) da yoh ko T. 6,00,49,000 katwa ka NHM ha u snem 2020-21 da yoh ko T. 15,87,00,000 katwa ha u snem 2021-22 da yoh T. 91,94,00,000.
U Montri da pyntip u leh wa da em ka poisa wa yoh lyngba ka MPLADS wa na ka NEC.
Ya kani ka poisa waroh da pynemkaam yow chna ya ki Bio-Medical Waste Disposal, u pynkhlan ya ki kaam wa yatoh wa i chait i khiah, u booh Oxygen Plant, u thied Generator wa kiwi kiwi.
Heiyatoh waka Bill wa dang sah, da pyntip u wa daw su noh ha uni u bnai wa daw wan.
