Pan NOC u MLA ka Ranikor na u CEM ka KHADC wow chna ya ka sarok Phlangdiloin-Langpa-Ranikor

Shillong: U MLA ka Ranikor Constituency, u Pius Marwein da kyntu u ya u CEM ka KHADC wow e noh ya ka NOC neibynta wow chna ya u sarok na Phlangdiloin-Langpa-Ranikor uwa jrong 36 Km.

Hawa yaklam wa kiwa pathai khubor ynne ka sngi, Pius da ong u wa ki paidbah ka thaaiñ chem chitom bha ki neibhah wym em ki u sarok uwa biang wei kamwa man katni wow poi cha Ranikor haap wow skit langdong langdong ya ka Mawkyrwat kawa chim por kamwa 6 hadooh 7 kynta.

“Hadien wa nga da thooh bniah O ya ka Scheme wa e da ka sorkar pyrdi na ka SARDP kawa da ye wow e kti noh cha ka NHIDCL neibynta kani ka sarok, nga da yoh yutip O na u Chief Engineer ka PWD (roads), u Paul Marwein wa ya kani ka Scheme da sah ko du neidaw wym yoh ya ka NOC naka KHADC,” da ong u Pius.

“Kani ka sarok wa nga paan NOC toh na ka Scheme Special Accelerated Road Development Programme (SARDP) kawa da ekti cha ka National Highways and Infrastructure Development Corporation Limited, (NHIDCL), wei ymtoh wa lai cha ki thaaiñ wa em Uranium,” da ong u.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Heiyatoh won wa pyrchah yong ki seiñbhalang wow chna ya u sarok Two-Lane ha ka thaaiñ kawa em u Uranium, neiliang u Pius da ong u wa kani ka sarok u poi ko cha Ranikor wei ym lai luti ko ki bynta wa em Uranium wei ya uni u sarok da pyndep ya ka sorjamin nadooh nachwa.