Ka seiñ Jaiñtia Students’ Movements (JSM) Wahiajer-Ummulong Area deilang waka Lumladaw Sports Club (Wahiajer) haka 21 tarik da pdiang burom ki ya u Renaldi Dhar uwa yalehke ka West Jaiñtia Hills uwa chong wa sah ha Wahiajer uwa da lehbha haka Meghalaya Games 2024 deiwa yoh u 3 tylli ki Takma Ksiar.
Ya u Renaldi da pdiang burom da President ka seiñ, u H. Supuh, u Secretary, u R. Dhar, u Sports Secretary, u P. Talang wa ki dkhot yong ka JSM Wahiajer-Ummulong Area deiwa emlang u Waheh Dong ka Lumladaw Wahiajer, u H. Muktieh wa u Sports Secretary yong ka Lumladaw Sport Club, u G. Muktieh.
Neiliang u President ka Jaiñtia Students’ Movements Wahiajer-Ummulong Area, da e u ki kyntien kitbok kitrwiang neibynta ka mynried u Renaldi Dhar deiwa ong leh wa yei sap wa kyrpang wa da e da u Blai ymtoh u pynsepai.
Chooh chooh da ong wa kam ki khon ka Ri-loom Jaiñtia wa kiwa naka chnong Wahiajer dap ki dei kmen wow yoo ya u Renaldi wa rah naam u yaka thaaiñ yow man kam ka nongmuna ya kiwi wow bood ki.
Discussion about this post