15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1

Pdiang burom ka Rotary Club Jowai ya ki dkhot thymme

0 Comments
Advertisement ad1

Jowai : Ka Rotary Club Jowai ha ka yalang wa pynman ynnin ka 26 tarik ha ka yung Club ka Newhill da pdiang burom ko ya ki dkhot thymme wa em le ngut wei da pynman dkhot ya ki da u Rtn. P. K. Kedia, Past District Governor 3240 wa man leh kam u kongsan ha kani ka sngi.

U president ka Rotary Club Jowai u Rt. James M. Pohsngap ong u wa ya ki dkhot thymme toh kiwa da rai dei bor yong ki hi samen wei wa ym em wa pynbor ya ki u man ki kam ki dkhot ka Rotary neibhah yow man kam ki dkhot toh u mylliñ yei man samen wei haap pyrkhat du nei bynta yong kiwi.

dkhotrotary1

U Rt. D. F. Majaw hei klam pdiang burom ya ki dkhot thymme da ong u wa dap dei sñiaw kmen wa em ki dkhot thymme wa psiah neibhah ki wanrah ki ya ki buit ki budia thymme kamjooh leh i mynsien chongchit wow krehkaam. Da pyntip u leh wa chwa wow pdiang ya kini ki dkhot thymme da pdiang ya ki hadien wa ki dkhot ka Rotary da pyntikna ki wa man sakhiat ki kiwa biang wow emlang ha ka seiñ.

Da ong chooh chooh u wa i kaam wa kongsan dooh ya ki dkhot thymme toh wow pynyoo ki cha ka pyrthai wa ye sakhiat ki u kreh nei bynta ki paidbah.

Ya ki le ngut ki dkhot thymme da tip kam u R. Laloo, u K. Pakma wa ka kong A. Sunsngi.

dkhotrotary2

dkhotrotary4

U kongsan ong u wa ka Rotary Club em dkhot ko kylleiñ i pyrthai wei heiwon heiwon i por wa ki paidbah emkaam yarap ki kam heipor wa khih khmi ha Gujarat, Nepal wa i chlai um ha Uttarakhand ki dkhot ka Rotary Club da em bait ki wow yarap ya kiwa chem chitom da ong u leh wa khamtam ya i kjut Polio ka Rotary Club toh kawa da tipmit da ka World Health Organisation heiwa da yarap poisa ko hadooh 240 Million Dollars yow pynwiar jait noh yeini i kjut wei hadien i kjut Smallpox u man i kjut wa ar wa ye u pynwiar na sla pyrthai.

dkhotrotary3

Deiwa wan ki dkhot thymme kattu ki dkhot ka Rotary Club Jowai da ku ko cha 20 ngut na ka 17 ngut.

(Content Sponsored by Rotary Club Jowai)

Advertisement ad1

0 Comments

Leave a Reply