Pdiang ka ABVP wow pyndam ya ka Kiang Nangbah Unit hadien i kyrpaad ka KNGCSU

Jowai: I awri awra wa mih ha Kiang Nangbah Government College hei yatoh wa pynmih tnat krehkaam ka ABVP hapoh kani ka thaw puræ wa tip kam ka ABVP-Kiang Nangbah College Unit dang pteiñ i hadooh ynne ka sngi.

Ynne ka sngi kiwa kitkaam ka Kiang Nangbah Government College Students Union ha ka chithi wa thoh ki da pyntip ki wa kiwa boon hi ki khynnah kani ka thaw da pyrchah ki yei wan seiñ Unit ka ABVP hapoh ka College heiwa da phah khylliap lama noh ya kani ka Unit.

“Yeini da leh khnang wow lait na iwon iwon i kulmar” da ong u Aplang Lamare wa u Pyniar Dhar kiwa man kam ki General Secretary wa u President  ka KNGCSU.

Heijooh i por da ong ki leh wa bien hi ki wow yakrehlang wa ka ABVP ha kiwon kiwon ki bynta wow pynku yei stat i tip hapoh kani ka College.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hawa yaklam wa ka General Secretary ka ABVP Meghalaya State ka D. Tang da ong ko wa hadien wa yoh ya kani ka chithi neiliang yong ki da pdiang ki wow pyndam noh ya kani ka Unit deiwa ong leh wa lada ha iwon iwon i por emkaam ki khynnah ya kani ka seiñ (ABVP) ka man ko kawa smat wow yarap ya ki.