Shillong: Ka sorkar jylla ynne ka sngi da pdiang ko ya ka St. Xavier’s University Shillong, Bill 2020, wei kani ka Bill daw wanrah hapoh ka Yung Dorbar wow yoh yei mynjur wow em kani ka University hapoh ka jylla.
Neiliang u symbood montri rangbah ka jylla, u Prestone Tynsong da ong u wa ha kani ka Bill da booh leh ya ki kyndon wa ka St. Xavier’s emkaam wow bood ko heiwa ka sorkar da phah ko ya i tyrwa cha ka Meghalaya Private University Regulatory Board wa da thung da ka sorkar pyrdi wow e laad lada kani ka skurbah u krehkaam ko hapoh jylla.
U Prestone da pynrap u leh deiwa ong wa i phah cha ka Board toh wow pyntikna wa ymjia de i kam ha ki por wadep deiwa e nongmuna ya ka CMJ University.
Katkam wa ong u Prestone, ka St. Xavier’s toh kawi na ki skurbah wa paaw bha ha ka ri India, deiwa kyrmen leh wa kani ka skurbah daw ye ko u e i chakri ya ka jylla heiyatoh wa i puræ puthi.
