Ynne ka sngi kawi ka manbei kawa na chnong Mulieh, Laskeiñ C&RD Block, West Jaiñtia Hills ka Trinity Saioo da yoh pdiang ko ya ka Padma Shri Award na u President ka ri, u Ram Nath Kovind ha Rashtrapati Bhavan, New Delhi.
Ha kani ka sngi da emlang u Montri Rangbahdooh ka ri, u Narendra Modi, u Montri ki kaam pohyung ka ri, u Amit Shah wa kiwi kiwi.
Ka Trinity toh kawa man kawa sikai skur ha St. Margret RCLP School, Mulieh. Wei kawa jooh pynchlur ya ki manbei wow rep ya u chyrmit Lakadong wei na kini ki kaam yong ka da boon kiwa ye u seiñ khih wei wow yieñ pyn ha ki kjat yong ki hi.
Ka Padma Shri toh i naam wa soo ha i kyrdan na khlieh dooh wa da e ya ki bru paidbah hapoh ka ri.
Ha kani ka sngi da pynkup ya i naam Padma Vibhushan cha ki soo ngut, ka Padma Bhushan cha ki 8 ngut katwa kiwa chah pynkup ya i naam Padma Shri won em ki 61 ngut.
Puræ leh: Yoh ka Trinity Saioo kawa na ri-loom Jaiñtia yaka Padma Shri Award
