15 49.0138 8.38624 1 0 4000 1 https://wyrta.com 300 0

Yoh ka Trinity Saioo kawa na ri-loom Jaiñtia yaka Padma Shri Award

0 Comments
Advertisement ad1

Ki Padma Awards- kawi na ki khusnam wa ha klieh dooh hapoh ka ri wa e cha ki bru paidbah da ka sorkar India, toh kawa e le jait kiwa tip kam ka Padma Vibhushan, Padma Bhushan wa Padma Shri. Kini ki Award toh kiwa e cha ki bru wa kreh ha kiwa boon ki jait kaam; nadooh kiwa kreh kaam paidbah, i thoh i taar, i puræ puthi, ki yalehke Sport, i chait i khiah, i khayi pateiñ, rep i riang wa kiwi kiwi.

Ya kiwa yoh Award da pynbna pyrtuid kam chibynta ka Republic Day man ka snem.

Advertisement ad1

Ya kini ki khusnam daw pynkup burom da u President ka India ha ka yalang wa pynman ha Rashtrapati Bhawan ha u Wisu (March) lane ha u Naitung (April) man u snem.

Ha uni u snem, u President da mynjur u wow e ya ki Padma Awards cha ki 141 wa kynthup ya ki soo jur (kiwa kheiñ kam ki wi). 7 ngut won ki wow yoh yaka Padma Vibhushan, 16 ngut Padma Bhushan wa 118 ngut yaka Padma Shri Award. 34 ngut toh ki kynthai wei da em leh 18 ngut kam ki Foreigners/NRI/PIO/OCI wa 12 ngut ya kiwa da khlaad (Posthumous awardees).

Ha uni u snem napoh ka jylla Meghalaya da yoh ka Trinity Saioo kawa na ri-loom Jaiñtia ya ka Padma Shri Award neibynta i kreh yong ka heiyatoh wa i rep chyrmit ha thaaiñ Lakadong.

Ka Trinity Saioo kawa man leh kam kawa sikai skur da yahkhmat ko ya 800 ngut ki kynthai warep yow pynchlur rep wei wow pynpawnaam ya u chyrmit Lakadong, deiwa yarap ya ki kynthai wym tip u thoh u tar kammon wow yoh yaka Organic Certification wa pynyoo wa u chyrmit da rep khlem da pynemkaam dawai, u pynlai yaw ya u mar rep, u pynbiang ya ki kot ki sla wei wow yoh yarap naka sorkar.

Da sdang nyngkong deiwa em 800 ngut ki warep, katni da em hadooh 100 tylli ki SHG wa yatoh wa u chyrmit hapoh i pait ka Trinity.

Hapoh i yahkhmat yong ka da ye wow challan ya u chyrmit cha kylleiñ ka thaaiñ mihsngi hadooh cha Kerala wa Karnataka.

Da yarap ko leh yaka jylla wow sdang yaka Mission Lakadong.

Also Read: Sdang u Lat ya ka Lakadong Mission wow pynmiat ya i rep ya u chyrmit na kani ka thaiñ

Advertisement ad1

0 Comments

Leave a Reply