Ki 5 ngut ki MLA kiwa da hiar chuki noh da pynyabi pura ki cha ka seiñ United Democratic Party (UDP) ynne hi ka jooh ka sngi. Ya kini ki MLA wa da hiar chuki ryngkat wa ki paidbah wa kyrchaan da pdiang sñiawbha ya ki da kiwa yahkhmat wa hakhmat ka Party, nadooh u President, u Metbah Lyngdoh wa kiwi kiwi.
Kini ki MLA warim kiwa da psiah cha ka UDP kynthup ki ya u P T Sawkmie na Mawlai, u Shitlang Pale na Sutnga-Saipung, u Lambor Malngiang na Nongkrem, u Mayralborn Syiem na Nongpoh wa u Renikton L Tongkhar na Mawkyrwat.
Najrong kini ki MLA warim ka UDP da pdiang sñiawbha leh ya ki MDC wa kamjooh kiwi kiwa yahkhmat na kiwi ki Party.
Neiliang u President ka UDP, u Metbah Lyngdoh ha kani ka sngi da pynlait paidbah u ya ka Website wei kamjooh i rwai Election yong ka Party UDP.
Puræ leh: Hiar chuki MLA ki 5 ngut yow psiah noh cha ka UDP
